اريد اكتب قصيدة حب الك يل تحس بالحب
اريد احجيلك اشواقي ودليلي بالهوى معذب
اقرب من كلبي انت يل من روحي الك اقرب
تعال العب على جروحي وتطيب جروحي من تلعب
تعال توسد اجتافي وخليني بحبك اتكهرب
اه يانسمة الحلة اويلي من الفرات اعذب
جاوبني تحب لولا لو تسالني شنو هو الحب
الحب لو غبت فد يوم نار وبالكلب تلهب
الحب لو زعلت وياي اعوف الماي وسم اشرب
شسولف يبعد الروح وانت الغاية والمطلب
احبك من عشت دنياي احبك من خلقني الرب