حب من طرف قاسي // قصه واقعيه

السلام عليكم وحمة الله وبركاته


هاذي قصه من كتابتي اتمنى انها تعجبكم

)( القصه واقعيه )(


بطل القصه
حسان ..
طالب في الصف الاول ثانوي

في يوم الجمعه
كان الشعب السعودي فرحان في بداية الاجازه الصيفيه
راح حسان يصلي الجمعه مع ابوه واخوانه .. واول ما رجع


حسان : يماه .. يماه


الام : نعم شفيك


حسان : حطو الغدا .. جوعان


الام : ههه عاد اليوم الله يعينك


حسان : ليش


الام : اليوم جدتك وخالاتك بيجون على الغدا .. يعني تحمل شوي


حسان : حياهم الله .. بس خالتي ام سعود بتجي ؟


الام : ايه ان شاء الله .. بس ليش ؟


حسان : عشان بتصل على سعود عشان يجي معها
الام : طيب براحتك

اتصل حسان على سعود عشان يجي
وجاو الاهل كلهم

حسان كان قاعد في الغرفه فوق
وجا له سعود

حسان : اقول سعود
سعود : هلا
حسان : ماودك تتغدى
سعود : اصبر شوي تو الناس بدري
حسان : اقولك .. انا جوعااان ما افطرت .. لا تخليني اكلك .. وقاعد اسمع الصحون تحت تتراقع .. شكل الاهل بدو ياكلون
سعود : طيب طيب لا تاكلني يالدب
حسان : انا بنزل اجيب الغدا من المطبخ .. بس مين في تحت ؟؟
سعود : امم والله مدري .. انا شفت خالاتي بس
حسان .. اوك انا نازل

مشى حسان الى الدرج وسمع صوت خالاته
وهو نازل الدرج
شاف بنت خالته قاعد تاكل
طبعا هي ما انتبهت له
لانها المفروض تتغطى عنه
وطول ماهو ينزل من على الدرج وهو يطالع فيها
لين نزل
وراح المطبخ
اخذ الغدا
ورجع فوق مره ثانيه
حط الغدا
وبدو ياكلون هو مع سعود

حسان كان ياكل ببطئ .. كان يفكر .. معقوله .. هاذي جنان .. ماشاء الله .. كبرت وحلوت .. اخبرها يوم كنا صغار.. الله على ذيك الايام

سعود : هييه حسان
حسان : هلا
سعود : شفيك ماتاكل
حسان : خلاص شبعت
سعود : وانت من الصبح وانا جوعان جوعان .. والحين تقول شبعت .. تلعب علينا انت
حسان : حلاص سعود .. لا تخرب جوي
سعود : طيب طيب .. براحتك

ومرت الايام .. وجات المدارس .. ومرت الايام .. وجات الاختبارات النهائيه حقت الفصل الثاني ( طبعا حسان الحين في ثاني ثانوي )
وقبل اليوم الاخير من نهاية الاختبارات
دخل حسان غرفته وشاف اخته مسك جالسه عند الجهاز حقه
حسان : خير .. وش عندك جالسه على جهازي
مسك : عندي شغله بسيطه .. الحين بقوم
حسان : طيب اوك .. لا تطولين

طلع ورجع بعد 10 دقايق ماحصلها
جلس عند الكميوتر
حصل ايميلها مفتوح
حسان : يووه وش فيها ذي نست ايميلها
وتوه بيطلع

في المسن
joojoo
الووو يالدبه
وينك

حسان في نفسه : يووه .. مين هاذي ... لايكون .. لا يكون جنان .. اي والله شكلها هي .. خلني اشوف ملف التعريف .. اي والله انها هي
شكلي
باخذ ايميلها .. لالا مالها داعي .. ليش مالها داعي والله انها فكره ..
ابي اتقرب لها .. وبعدين هي بنت خالتي .. بس اخاف انها تنزعج من ذا الشي
.. لالا اذا انزعجت بتحذفني ولا كأنه شي صار .. خلني اتوكل على الله

نسخ حسان الايميل ودخل من ايميله وسوا اضافه
وبعد دقايق
شاف جنان على المسن
joojoo :
الووو .. مين
حسان في نفسه : اممم الحين وش اقولها الحين

حسان :
هلا محمد ..

joojoo :
محمد .. اي محمد انت .. اخلص قولي من انت او انتي

حسان :
محمد لا تقعد تستهبل

joojoo :
اقولك انت اللي تستهبل .. يالله يالله .. مع السلامه

حسان :
اقولك اصبر

joojoo سجل خروجه

حسان في نفسه : يوووه طلعت يالله ماعليه ان شاء الله تشبك وقت ثاني

اليوم الثاني
كان اخر يوم في الاختبارات
اول مارجع البيت
دخل حسان المسن
شوي الا هي دخلت

حسان في نفسه : اروح لها ولا اصبر شوي .. والله مدري .. لا خلني اصبر

بعد دقائق
joojoo :
الوو

حسان :
هلا

joojoo :
اهلين
من انت

حسان :
وش دعوه يامحمد ماعرفتني

joojoo :
يا اخي انا مو محمد

حسان في نفسه : ايه بس لقيتها .. عندي طريقه اخليها تعرفني
حط حسان صورة ولد اخته الصغير

joojoo :
ايييه انت حسان ال.

حسان في نفسه : اووف .. واخيرا اعرفتني

حسان :
ايه انا .. انت مين

joojoo :
انا جنان .. بنت خالتك

حسان : اهاا .. كنت افكرك صديقي اسمه محمد << العب غيرها هع

joojoo :
هههه لا عادي .. بس من وين اخذت ايميلي

حسان :
والله مدري شلون جا << عاد هاذي مالقى لها تصريفه هع

joojoo :
على العموم حصل خير


ومرت الايام .. كانو يسولفون مع بعض .. مرات يتهاوشون على خفيف .. ومرات يتكلمون جد .. ومرات ضحك وفله .. ومثل هالكلام

وفي يوم لا ينسى بالنسبه لحسان
كان يوم الثلاثاء

في وقت الفجر قبل الصلاه

كانو يسولفون على المسن كالعاده

joojoo :
اقولك .. قبل كم يوم صارلي شي

حسان :
خير سلامات

joojoo :
الله يسلمك .. في وحده من العيله جاتني .. وقالتلي ان ولد اختي يحبك .. ويبي يخطبك

>>>>> يتبع <<<<<



ان شاء الله اذا شفت تفاعل مع القصه بنزل الاجزاء المتبقيه