في سطر لست ادري

[size=21]لَسْتُ أَدرِي

وجع 2

الغدر مش بالضرورة يكون بالخيانة. مش بالضرورة يكون بالضرب تحت الحزام أو الطعن في الضهر. الغدر ممكن يكون بالخذلان. انك ماتعملش اللي متعشم فيك تعمله.. ماتسألش لما المفروض تسأل. ماتحاولش لما المفروض ماتفقدش الأمل. تمشي وقت ما الناس نفسها انك تنتظر.. الغدر دا صعب قوي.. واصعب مافيه لما يجي من ناس بتحبهم ومتعشم انهم زيك.. [...]

والحلم ويايا والذكرى جوايا * 0

الأصعب من انك تحلم وحلمك ما يتحققش، هو انك تحلم وحلمك يتحقق، بس تكتشف إنه كابوس.. ساعتها يبقى عليك ترجع، من الأول تاني، تلملم نفسك لجل تقنعها انك لسا تقدر تحلم من أول وجديد.. واحتمال، أو يمكن أو يجوز حلمك المرة دي مايطلعش كابوس.. —- * من أغنية “حواديت” لمحمد منير

ضايع مني لحظة.. يامين يجيبها لي.. 0

امبارح كنت عايزة أعيط على حاجات كتير. من كترها ماعرفتش على أي حاجة أبدأ. كتبتهم على ورق ورصيتهم قدامي على شكل شجرة وطير وسحابة ونيل ومركب.. وبعد ما زهقت لخبطتهم، وقطعتهم وقعدت أضحك. مع اني امبارح كنت عايزة أعيط.. على حاجات كتير قوي..

أنا والطريق 1

اليوم اكتشفت أن الضوء الساطع يُخيفني أكثر من الظُلمة. يكشفُ لي أكثر مما ينبغي، أو أكثر مما أود أن أعرف.. اليوم اكتشفت أن المعرفة تُخيفني أكثر من عدمها.. وأني أفضل أن استمر هكذا بطريقي لا أدري، أضل وأُجرب من جديد، على أن أدري فأتوقف عن المضي قدمًا في الطريق..

طير يافؤادي وغني.. ثم ابكي عني واشك الزمان.. 0

النهاردة، وأنا واقفة على حافة نفس الرصيف الفاصل بين الحقيقة والحقيقة الأخرى.. جه على بالي إني لو ح موت دلوقت، فأنا عايزة الأول أملى رئتي بهوا نضيف.. — العنوان من موال “طير يافؤادي” لمحمد عبد الوهاب..

لربنا 0

على فكرة، أنا حزينة قوي..

لحزب المُنكرين، وأشياء أخرى 1

لما تبقى راكب قطار مكتوب عليه “إتجاه إسكندرية”، وكل الناس -حتى الكومسري- بتقول لك إنه طالع إسكندرية، وحتى إنت نفسك تروح إسكندرية بعد كام ساعة قوي قوي.. بس الحقيقة إنك بدأت تاخد بالك إن القطار ماشي جنوب. وعقلك بدأ يشاورك إنه فعلا ماشي جنوب. وحتى البوصلة بتقول لك إنك مع الاسف ماشي جنوب.. وقتها ح [...]

سؤال محيرنى 19

إحنا بنكبر لما بنشيل الهم..ولا بنشيل الهم لما نكبر؟

صباح سعيد 10

من أكتر الحاجات اللي بتخليني ممكن أبتسم قوي على الصبح، لما ألاقي حد مع نفسه كدة بيبتسم قوي وهو ماشي لحاله في الشارع.. ساعتها بسأل نفسي ياترى بيبتسم عشان حبيبته كلمته، ولا إفتكر نكتة حد قالها له؟.. ولا عشان قابل حد عزيز عليه إذ صدفةً كدة ولا أخيرًا جت له الوظيفة اللي بيحلم بها؟.. الصبح [...]

دائما لا نتوقع ممن نحبهم كلمات المديح أو الشكر. رغم إنتظارنا لها وتلهفنا عليها فى بعض الأحيان تقفُ المعاني عاجزة عن التعبير عن نفسها إن لم تُقال ككلماتٍ شفاهية.. ان لم تخطها شفاة الأحباب لنا، وتشكلها تقاسيم وجوههم.. بحب فعل الكلام أحياناً يكون أبلغُ من أي فعلٍ آخر، فيظل رنين وقعِه معنا حتى بعد رحيلهم..
[/size]