ما استاهلك
زعلتك صدك ....بس والله ما مقصود
شأكلك... شأعتذرلك قصرت وياك
جرحتك يا ترف انه شكثر خجلان
انته الي قدرت جرحي و عشت وياي
انته الي نشفت دمعي و صرتلي احضان
انته الي غيرتني و رجعتي الشوك
وانته الي فتحت كلبك الي بستان
صح مني الغلط وانه اعترف غلطان
صح نغلط نعم لكن نسامح دوم يظل طيب الكلب مكتوب بالوجدان
سامحني بكيانك من حنان البيك
لا تظحك جذب و بداخلك زعلان
اجيتك اعتذرلك و انه ما معصوم
شأسويله الغلط مكتوب ع الانسان
الف اسف و الف مره اعتذر كل يوم
ندمان شكثر يا خيبه الندمان
ما استاهلك و انته ملك مخلوق
ما استاهلك و انته نبع ريحان
اخذ منعندي حقك اخذه خل ارتاح
وهذا اني بعدك ساكن بلايه اوطان
عذبني الضمير الي ما ينام الليل ما اكدر
انام و انته علي زعلان
عمت عيني جرحتك وانته حب تفيض يا قسوه كلبي الي وجتك نيران
اكولن سر الك وارجوك لا تحجيه؟
بجيت هواي انا لخاطرك يا فلان
بجيت و عيني مطرت والله زخ دموع مو عين اصبحت جنها شهر نيسان
ما اريدك تسامح وانا ما عذور وما املك عذر عذبني يا سلطان بس اعرف احبك و انظر لعيناك
بعد شلون انظرلك و اني خجلان؟
...