حسافه يـوم حبيتـك .. وخليتـك أعـز إنســــان

حسافه يـوم حبيتـك .. وخليتـك أعـز إنســــــــــان
حسافه بقلبي ضميتك .. وتجازي الحب بالنكـــران

قلت مجروح داويتك .. وشربتك وأنـا العطشــــــان
وسط هالروح داريتك .. وضميتك مـع الشريـــــــان

هديتك أغلا أشواقي .. وهديتني غـدر وأحــــزان
طعنتني ألف خنجـر .. وكانـت لدغتـك ثعبـــــــــان

حسافه ضاع تقديري .. معـاك مضيـع العنــــــــوان
أحبك كلمه مابيها .. ولا أبـي شوقـك الولهــــــــان

خسرتني وأنا العاشق .. وكل بالهـوى خســــــران
انا الجاني وأنا المجني وأنا اللي بعشرتك غلطان

نسيت إسمك على لساني .. ورب الكعبه والقـــــرآن