مو ذاك الاعرفك انت من سنين
اطباعك علية هواي مختلفة
متغيرة الملامح بيك و الاشواك
و جياتك احس ما بيها اي لهفه
جنت توكف كبل و العين تحجي العين
هسة شبيهة عينك شو صفت صلفة
كبل حجيك ذهب و الناس تمدح بيك
و من تحجي عسل تتناثر الشفة
هسة اختلف حجيك كله ذم و اعتاب
و بكلمن يودك كمت تتشفة
علة جتافي حملتك سرت بيك دروب
و جمر كلة اعله دربك و انة اتحفة
شسولف من عذابك بيه صار سنين
و النار البية منك ابد ما تطفة
شمسح من ذنوبك و انت شو كل يوم
تجرح بالكلب و دكلي ما اشفة
من عندك نهوني صحبتي و خوان
كالولي صحبتك بالهوى سعفة
عاندت و مشيت و كلت رحلت شوك
حطيت البلم و امواجك تجرفة
حطيت البلم و امواجك تجرفة